RUSİYA ƏHALİSİNİN SAYI AZALMAQDA DAVAM EDİR
Rusiyada yanvarın 1-dən iyunun 30-dək olan dövrdə 715,5 min adam doğulmuş və 1 milyon 130,7 min nəfər ölmüşdür ki, bu da əvvəlki ilin eyni dövrü ilə müqayisədə müvafiq surətdə 6,5 min və 53,5 min nəfər azdır.
2006-cı ilin yanvar-iyun aylarında Rusiyada 422,2 min nikah (əvvəlki ilin eyni dövrü ilə müqayisədə 20,2 min çox) və 307,2 min boşanma (keçən ildəkindən 14,3 min çox) qeydə alınmışdır.
İlin birinci yarısında Rusiyanın 55 subyektində doğulanların sayının azaldığı müşahidə olunmuşdur. Ölkə üzrə ümumilikdə götürdükdə, ölənlərin sayı doğulanların sayından 1,6 dəfə, 25 subyektdə isə 2-2,9 dəfə çoxdur. Hesabat dövründə cəmi 15 subyektdə əhalinin təbii artımı qeydə alınmışdır.
Bölmənin digər xəbərləri
