Rusiya Konstitusiyasına düzəlişlərə dair səsvermə aprelin 22-də keçiriləcək
Moskva, 26 yanvar, AZƏRTAC
Rusiya Konstitusiyasına düzəlişlərə dair səsvermə aprelin 22-də keçiriləcək.
AZƏRTAC xəbər verir ki, bu barədə Dövlət Dumasının Dövlət quruculuğu və qanunvericilik komitəsinin sədri Pavel Kraşennikov jurnalistlərə məlumat verib. O bildirib ki, Prezident Vladimir Putin səsvermənin bu tarixdə keçirilməsi ilə razılaşıb.
Bir qədər əvvəl Rusiya Konstitusiyasına düzəlişlərin müzakirə olunmasına dair işçi qrupun həmsədri Andrey Klişas səsvermə üçün aprelin 22-nin ən əlverişli vaxt olduğunu bildirmişdi. O vurğulamışdı ki, aprelin 19-da pravoslav xristianların Böyük pəhrizi başa çatır, aprelin 24-də isə müsəlmanların Ramazan ayı başlanır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
