Rusiya qiymət həddi tətbiq edən ölkələrə neft satmayacaq
Moskva, 28 dekabr, AZƏRTAC
Prezident Vladimir Putin Rusiya neftinə qiymət həddi qoyan ölkələrə neft və neft məhsullarının satışını qadağan edən fərman imzalayıb.
AZƏRTAC xəbər verir ki, sənəd gələn il fevralın 1-dən iyunun 1-dək qüvvədə olacaq. Eyni zamanda, sənədin ayrıca bəndində Rusiya Prezidentinə fərmandan istisnalar tətbiq etmək səlahiyyəti verilir.
Xatırladaq ki, dekabrın 5-də Avropa İttifaqı, G7 ölkələri və Avstraliya dəniz yolu ilə daşınan Rusiya neftinin bir barelinin qiymətinin 60 dollar məbləğində müəyyən olunması barədə qərar qəbul edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
