Rusiya səfiri: Azərbaycan Avrasiya İqtisadi Birliyinə daxil olan dövlətlərlə yaxın əməkdaşlıq əlaqələrinə malikdir
Bakı, 24 iyun, AZƏRTAC
Azərbaycan Avrasiya İqtisadi Birliyinə (AİB) daxil olan dövlətlərlə yaxın əməkdaşlıq əlaqələrinə malikdir. Bu əməkdaşlıq tərəflərin iqtisadi maraqlarına cavab verir. Azərbaycanın iqtisadi potensialı qarşılıqlı iqtisadi əməkdaşlıq əlaqələrinin daha da genişləndirilməsinə imkan verir.
AZƏRTAC xəbər verir ki, bu sözləri “Azərbaycan Avrasiya Logistika Mərkəzi kimi: AİB və Cənubi Qafqazın maraqlarının uzlaşdırılması” mövzusunda keçirilən beynəlxalq dəyirmi masada çıxış edən Rusiyanın Azərbaycandakı səfiri Mixail Yevdokimov deyib.
O bildirib ki, Azərbaycan etibarlı nəqliyyat qovşağına çevrilib. Şimaldan Cənuba, Şərqdən Qərbə keçən nəqliyyat dəhlizləri Azərbaycandan keçir. Rusiya nəqliyyat və tranzit sahəsində Azərbaycan ilə əməkdaşlıq edir. Bu əməkdaşlıq tərəflərin iqtisadi inkişafını təmin edərək beynəlxalq bazarlara çıxışları üçün imkan verir. Azərbaycan ilə Rusiya Avrasiya məkanında əhəmiyyətli coğrafi mövqeyə malikdirlər. Bu mövqe onlara tranzit nəqliyyat dəhlizlərinin inkişafı istiqamətində əməkdaşlıq etmək üçün şərait yaradıb.
Bölmənin digər xəbərləri
