Rusiya və Çin vaksinlərinin Çexiyada siyahıya əlavə ediləcəyini ölkə prezidenti istisna etmir
Praqa, 2 fevral, AZƏRTAC
Çexiya Prezidenti Miloş Zeman hər gün kiçik bir Çex və ya Moraviya kəndinin yox olmasından narahatlığını bildirib.
AZƏRTAC xəbər verir ki, ölkədə hər gün 150 koronavirusa yoluxmuş xəstə ölür ki, bu da kiçik Çex və ya Moraviya kəndlərindəki əhalinin sayına bərabərdir.
Çex dövlətinin başçısı Frekvence-1 radiostansiyasının efirində danışarkən ölkəsinin əhalini koronavirus əleyhinə vaksinlə təmin edə bilməsi üçün BioNTech/Pfizer, Moderna və AstraZeneca vaksinləri ilə birgə, Avropa Komissiyası tərəfindən bəyəniləcəyi təqdirdə, Rusiyanın Sputnik-5 və Çinin Sinofarm preparatlarını da sifariş edəcəyini bəyan edib. O, eyni zamanda qeyd edib ki, bu məsələdə siyasətə yox, elmə daha çox üstünlük verilməlidir.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
