RUSİYA XİN ŞİMALİ KOREYA SƏFİRİNDƏN İZAHAT İSTƏMİŞDİR
Diplomat Pak I Çundan Pxenyanın hərəkətləri barədə izahat verməyi xahiş etmiş, habelə bu məsələdə Rusiya rəhbərliyinin mövqeyini onun nəzərinə çatdırmışlar.
Rusiya XİN-in məlumatında deyilir: “Regional sabitliyə mənfi təsir göstərə, Koreya yarımadasının nüvə probleminin nizama salınması yollarının axtarışını çətinləşdirə biləcək hər cür hərəkətlərin arzuedilməz olduğu bildirilmişdir”.
Xatırladaq ki, ABŞ və Yaponiya kəşfiyyatlarının yaydıqları məlumata görə, Şimali Koreya təkcə yaxın qonşuların ərazilərini deyil, ABŞ-ın bəzi ştatlarını da vurmağa qadir raket buraxmağa hazırlaşır. Bu informasiya Vaşinqton və Tokioda kəskin mənfi reaksiya doğurmuş və onlar Pxenyanı “adekvat cavab tədbirləri” ilə hədələmişlər.
Bölmənin digər xəbərləri
