Rusiyada bir gündə koronavirusa yoluxanların sayı yenidən 6000 nəfəri keçib
Moskva, 21 sentyabr, AZƏRTAC
Rusiyada bir gündə 6196 nəfər koronavirus infeksiyasına yoluxub.
AZƏRTAC xəbər verir ki, son aylarda gündəlik yoluxma 5 mindən bir qədər artıq olurdu. Son bir neçə gündə Rusiyada yoluxma halı sürətlə artmağa başlayıb. Hazırda COVID-19 xəstələrinin ümumi sayı 1 109 595 nəfərə, aktiv xəstələrin sayı isə 178 133 nəfər çatıb.
Bir gündə Rusiyada 2616 nəfər sağalıb, 71 xəstə vəfat edib. Ən çox COVID-19 xəstəliyinə yoluxma paytaxt Moskvada - 915 qeydə alınıb.
Rusiya yoluxma sayına görə ABŞ, Hindistan, Braziliyadan sonra hələ də 4-cü yerdədir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
