Azərbaycan Dövlət İnformasiya Agentliyi

DÜNYA

RUSİYADA DAXİLİ REYSLƏRƏ TƏYYARƏ BİLETLƏRİ PASPORTLA SATILACAQ

27.08.2004 [19:46]
Çap et
A⁺ A^-

AZƏRTAC-ın Moskvadan aldığı xəbərə görə, Rusiya aviasiya rəhbərlərinin sərəncamına uyğun olaraq, bundan sonra bütün aviabiletlərin satışı zamanı şəxsiyyət vəsiqəsi (pasport) tələb ediləcək, sərnişinlərin pasportlarındakı göstəricilər isə aviabiletin müvafiq hissəsinə yazılmalıdır.

Bu qərar TU-134 və TU-154 təyyarələrinin qəzaya uğraması ilə əlaqədar təhlükəsizlik tədbirlərinin möhkəmləndirilməsi çərçivəsində qəbul edilmişdir.

Məlum olduğu kimi, əvvəllər Rusiyanın daxili reyslərində bilet almaq üçün sərnişinin yalnız soyadını və inisiallarını bildirmək tələb edilirdi, sərnişinin şəxsiyyətini təsdiqləyn sənəd isə qeydiyyat və hava limanının təhlükəsizliyinə nəzarət zonasında uçuşqabağı yoxlama zamanı nəzərdən keçirilirdi.