Rusiyada şahzadə qızlar barədə nağılların süjeti əsasında filmlər çəkiləcək
Bakı, 6 avqust, AZƏRTAC
Rusiyada şahzadə qızlar və prinseslərdən bəhs edən məşhur nağıllar əsasında bir neçə tammetrajlı filmin yaradılması planlaşdırılır.
AZƏRTAC Rusiya mətbuatına istinadla xəbər verir ki, “Yatmış şahzadə qızın nağılı”, “Prinses və noxud dənəsi”, “Şahzadə Nesmeyana” və digər məşhur hekayələr ekranlaşdırılacaq.
İlk öncə “Yatmış şahzadə qızın nağılı” ekranlaşdırılacaq. Ssenari müəllifi və rejissoru “Yeni il tarifi” və “Damdabaca” filmləri ilə tanınan Yevgeni Bedaryov olacaq. Çəkilişlərin 2024-cü ilin qışında başlayacağı bildirilir.
“Silsilə əsasən, Xantı-Mansiysk Muxtar Dairəsi-Uqranın kinoklasterində regionun texniki və yaradıcılıq imkanlarından istifadə edilməklə çəkiləcək. Biz regionlararası əməkdaşlığın vacibliyini xüsusilə qeyd edirik, bunun sayəsində iddialı planlarımızı həyata keçirə və nağılı sehrli reallığa çevirə biləcəyik”, - deyə “KD Studios”un baş prodüseri Yevgeniya Melentyeva bildirib.
Bölmənin digər xəbərləri
