RUSİYANIN MÜDAFİƏ NAZİRİ AMERİKALI HƏMKARININ PLANINI DƏSTƏKLƏMƏDİ
Söhbət nüvə döyüş başlıqları olmayan raketlərdən gedir.
Rusiya naziri həmkarının təşəbbüsünü dəstəkləməmişdir. Onun sözlərinə görə, Rusiya hadisələrin bu cür inkişafına hələlik hazır deyildir.
Həqiqətən, Ramsfeldin irəli sürdüyü planın əleyhdarları, – onlar ABŞ-ın özündə də az deyildir, – hesab edirlər ki, bu təşəbbüslə əlaqədar kifayət qədər ciddi problem yarana bilər. Məsələn, sualtı qayıqdan buraxılan ballistik raketdə nüvə atımının olub-olmadığını müəyyən etmək, əslində, mümkünsüz bir işdir.
Doğrudur, Pentaqonun başçısı hesab edir ki, bunun nüvə raketi olub-olmadığını onun uçuşunun 30 dəqiqəsi ərzində müəyyənləşdirmək mümkündür. Lakin İvanov cavab vermişdir ki, raketin uçuşu 10 dəqiqə də çəkə bilər, bu vaxt ərzində isə bütün şübhələrə son qoyulması problematik xarakter alacaqdır.
Ramsfeld öz ideyasında israrlı olmuş və həmkarına bu təşəbbüsün müzakirəsini Rusiyda davam etdirməyi təklif etmişdir. ABŞ-ın müdafiə naziri demişdir: “Ümidvaram ki, dostum Sergey mənə zəng vurub bildirəcək ki, bu, çox gözəl ideyadır”.
Rusiyanın müdafiə naziri isə bildirmişdir ki, hər şeydən göründüyü kimi, ABŞ-ın terrorçulara qabaqlayıcı zərbə endirmək üçün bu cür silaha ehtiyacı var. Mövcud problemlər üçün müxtəlif qərarlar tapmaq olar.
Nazirlərin danışıqlarında daha bir mühüm mövzuya - raketdənmüdafiə sisteminə də toxunulmuşdur. Rusiya naziri demişdir ki, onun Şərqi Avropada yaradılması məsələsi şəffaf olmalıdır.
Bölmənin digər xəbərləri
