Saatlıda soyqırımı qurbanlarının xatirəsi dərin hüznlə anılmışdır
Saatlı, 1 aprel (AZƏRTAC). Saatlı Rayon İcra Hakimiyyətində 31 mart-Azərbaycanlıların Soyqırımı Günü ilə bağlı keçirilən toplantıda soyqırımı qurbanlarının xatirəsi dərin hüznlə anılmışdır.
Tədbirdə çıxış edən rayon icra hakimiyyətinin başçısı Siraqəddin Cabbarov ermənilərin total ideoloji təcavüz, terror və irimiqyaslı hərbi əməliyyatlarla müşayiət olunan soyqırımı nəticəsində yüz minlərlə soydaşımızın dədə-baba torpaqlarından qovulduğunu, müxtəlif təzyiq və təhqirlərə məruz qaldığını bildirmişdir.
Erməni millətçilərinin 200 ilə yaxın bir dövrdə azərbaycanlılara qarşı törətdikləri vəhşilikləri pisləyən S.Cabbarov soyqırımı ilə bağlı həqiqətlərin dünya ictimaiyyətinə çatdırılmasınada, bu hadisələrə hüquqi və siyasi qiymətin verilməsində ümummilli liderimizin başladığı məqsədyönlü fəaliyyətin Prezident İlham Əliyev tərəfindən uğurla davam etdirildiyini diqqətə çatdırmışdır.
Toplantıda rayon icra hakimiyyəti başçısının müavini Reyhan Ocaqovanın 31 Mart-Azərbaycanlıların Soyqırımı Günü ilə bağlı məruzəsi dinlənilmişdir.
Çıxış edənlər ermənillərin zaman-zaman azərbaycanlılara qarşı həyata keçirdikləri soyqırımı siyasətini pisləyərək mənfur düşmənlərimizin öz çirkin əməllərini bu gün də davam etdirdiklərini, Azərbaycanın 20 faiz ərazisinin zəbt olunduğunu, soydaşlarımızın olmazın əziyyətlərə düçar edildiyini, əzəli torpaqlarından qovularaq qaçqın və köçkün həyatı yaşadıqlarını bildirmişlər.
Çıxışlarda nüfuzlu beynəlxalq təşkilatların, o cümlədən BMT-nin qətnamələrinə məhəl qoymayan ermənilərin Ali Baş Komandan, Prezident İlham Əliyevin rəhbərliyi ilə tezliklə öz cəzalarına catacaqlarına, zəbt olunmuş torpaqlarımızın azad olunacağına, qaçqın və köçkün ailələrin öz döğma torpaqlarına qayıdacaqlarına əminlik ifadə olunmuşdur.
Bölmənin digər xəbərləri
