Sabah Göygöl Olimpiya İdman Kompleksində 18 yaşadək cüdoçular arasında beynəlxalq turnir start götürəcək
Bakı, 22 mart, AZƏRTAC
Sabah - martın 23-də Göygöl Olimpiya İdman Kompleksində 18 yaşadək cüdoçular arasında beynəlxalq turnir start götürəcək.
AZƏRTAC xəbər verir ki, Azərbaycanın Əməkdar məşqçisi Ariz Ələkbərovun xatirəsinə həsr olunacaq turnirdə Türkiyə, Almaniya, Gürcüstan, Macarıstan, Özbəkistan və Sloveniyadan 100-dən çox idmançı medallar uğrunda mübarizə aparacaq. Ölkəmizi isə yarışda 400-ə yaxın gənc cüdoçu təmsil edəcək.
İki gün davam edəcək beynəlxalq turnirin təşkilində əsas məqsəd idmançıların peşəkarlıq səviyyəsinin artırılması, ustalıqlarının təkmilləşdirilməsi və ölkələrarası dostluq əlaqələrinin yaradılması və gücləndirilməsinə dəstək olmaqdır.
Bununla yanaşı, bu tipli çempionatların təşkili ACF-nin gənclərin sağlam həyat tərzinə istiqamətləndirilməsi, onların asudə vaxtının səmərəli təşkili, idmana olan marağının artırılmasıdır.
Qeyd edək ki, turnir Azərbaycan Cüdo Federasiyasının, Göygöl Rayon Gənclər və İdman İdarəsinin və Göygöl Olimpiya İdman Kompleksinin təşkilatçılığı ilə baş tutacaq.
Bölmənin digər xəbərləri
