“Sabah”ın idman direktoru: Yeni baş məşqçi klubun fəlsəfəsinə uyğun olmalıdır
Bakı, 3 fevral , AZƏRTAC
“Murad Musayev əldə etdiyi nəticələrlə klubumuzun tarixində öz yerini tutdu. Ona peşəkarlığına və əla komanda yaratdığına görə təşəkkür edirik”.
Bu sözləri AZƏRTAC-a açıqlamasında “Sabah”ın idman direktoru İqor Ponomaryov bu yaxınlarda komandadan ayrılan rusiyalı baş məşqçi Murad Musayevin istefasını şərh edərkən deyib.
Onun sözlərinə görə, 41 yaşlı mütəxəssis vəzifəsini öz istəyilə tərk edib: “Musayev istəyində israrlı idi. Biz də klub olaraq onun qərarını anlayışla qarşıladıq və müsbət cavab verdik”.
Yeni baş məşqçi məsələsinə də toxunan İ.Ponomaryov əlavə edib: “Bizim üçün ən əsası, baş məşqçinin yerli və ya əcnəbi olması deyil, klubun fəlsəfəsinə uyğun gəlməsidir”.
Qeyd edək ki, Azərbaycan Premyer Liqasının XXI turunda "Sabah”ı “Turan Tovuz”la bugünkü oyuna baş məşqçi qismində məhz İqor Ponomaryov çıxaracaq.
Bölmənin digər xəbərləri
