Sabiq səhiyyə naziri Oqtay Şirəliyev vəfat edib
Bakı, 3 oktyabr, AZƏRTAC
Azərbaycanın sabiq səhiyyə naziri Oqtay Şirəliyev 75 yaşında vəfat edib.
TƏBİB-dən AZƏRTAC-ın sorğusuna cavab olaraq bildirilib ki, oktyabrın 3-ü saat 17:30 radələrində Respublika Təcili və Təxirəsalınmaz Tibbi Yardım Mərkəzinə müraciət daxil olub. Çağırış ünvanına dərhal təcili tibbi yardım briqadası cəlb edilib.
Təcili tibbi yardım briqadası tərəfindən sabiq nazirin həkiməqədər ölüm faktı qeydə alınıb.
Qeyd edək ki, Oqtay Şirəliyev 1950-ci il avqustun 2-də Bakı şəhərində həkim ailəsində anadan olub. 1973-cü ildə Azərbaycan Dövlət Tibb İnstitutunu bitirib. Bir sıra vəzifələrdə çalışıb, 2005-2021-ci illərdə Azərbaycanın səhiyyə naziri olub.
Allah rəhmət eləsin!
Bölmənin digər xəbərləri
