SABİRABADDA ZƏMİLƏRDƏN BOL TAXIL YIĞILMIŞDIR
Sabirabad, 9 avqust (AZƏRTAC). Sabirabad rayonunda taxıl biçini uğurla başa çatmışdır.
Rayonun taxılçıları bu il 31103 hektar zəmidən rekord miqdarda- 114 min ton məhsul yığmışlar. Hər hektarın məhsuldarlığı 36,6 sentner olmuşdur. Sahibkarlar 4 min tona yaxın elit buğda toxumu da tədarük etmişlər.
Rayon icra hakimiyyətinin aqrar məsələlər şöbəsindən bildirmişlər ki, yüksək məhsul əldə edilməsində taxıl istehsalçılarına dövlət yardımı böyük rol oynamışdır.
Gələn ilin məhsulu üçün azı 35 min hektar sahəyə taxıl səpilməsi proqnozlaşdırılır.
Bölmənin digər xəbərləri
