SAĞLAM AİLƏ MİLLİ-MƏNƏVİ DƏYƏRLƏRİN MƏHƏK DAŞIDIR
AZƏRTAC-ın müxbiri xəbər verir ki, respublika Gənclər və İdman Nazirliyinin təşkilatçılığı ilə sentyabrın 11-dən 14-dək Şirvan zonasında “Sağlam ailə cəmiyyətin təməlidir” devizi altında təşviqat kampaniyası keçirilmişdir. Təşviqatçılar sağlam həyat tərzinin təbliğinə uyğun əyani təşviqat vasitələri ilə bəzədilmiş avtobusla Qobustan, Şamaxı, İsmayıllı, Göyçay və Ağsu rayonlarında olmuş, narkomaniyanın, taksonomiyanın, alkoqollu içkilərin, tütün məmulatlarının törətdiyi fəsadlar barədə gənclər arasında maarifləndirmə işləri aparmışdır. Görüş iştirakçılarına sağlam həyat tərzinə mənfi təsir göstərən zərərli vərdişlər, bunlardan qorunmaq yolları barədə xüsusi çap materialları paylanmışdır.
Təşviqat kampaniyası çərçivəsində Ağsu şəhər Mədəniyyət Sarayında “Şeron” qrupunun, Azərbaycan Dövlət Mədəniyyət və İncəsənət Universiteti tələbələrinin ifasında geniş konsert verilmişdir.
Bölmənin digər xəbərləri
