“Şahdağ” Milli Parkının ərazisində baş verən yanğın söndürülüb
Bakı, 8 iyul, AZƏRTAC
Qəbələ rayonunun Tikanlı kəndi yaxınlığında “Şahdağ” Milli Parkının ərazisində dörd hektar sahədə kol-kos, quru ot və ağac qırıntıları yanıb.
Fövqəladə Hallar Nazirliyinin mətbuat xidmətindən AZƏRTAC-a bildiriblər ki, yanğın saat 19:00 dəqiqədə nazirliyin Dövlət Yanğından Mühafizə Xidmətinin yanğından mühafizə bölmələri, Aviasiya dəstəsinin iki ədəd helikopteri, Ekologiya və Təbii Sərvətlər Nazirliyinin meşə təsərrüfatı idarəsinin əməkdaşları tərəfindən söndürülüb.
Yaxınlıqdakı meşə zolağı yanğından mühafizə olunub.
Bölmənin digər xəbərləri
