İQTİSADİYYAT
SAHİBKARLIQ FƏALİYYƏTİ İLƏ QANUNSUZ MƏŞĞUL OLMAQ OLMAZ
Bakı Şəhər Vergilər Departamenti tərəfindən aparılmış yoxlama zamanı müəyyən edilmişdir ki, paytaxtın Xətai Rayon Vergilər İdarəsində (hazırda Bakı Şəhər Vergilər Departamentinin 3 nömrəli filialında) qeydiyyatda olan, Zığ şosesi, 4 “a” ünvanda yerləşən “Ümid” tibb mərkəzinin təsisçisi və faktiki rəhbəri Fərəməz Şəmsi oğlu Cavadov mütəşəkkil dəstə yaradaraq, Səhiyyə Nazirliyindən razılıq (lisenziya) almadan qanunsuz yolla tibbi müayinə, diaqnostika və müalicə xidməti üzrə sahibkarlıq fəaliyyəti ilə məşğul olmuşdur.
Nazirliyin ictimaiyyətlə əlaqələr şöbəsindən verilən məlumatda deyilir ki, məhkəmənin qərarına əsasən, qeyd olunan fakt üzrə “Ümid” tibb mərkəzində keçirilmiş axtarış zamanı oradan mühüm əhəmiyyət kəsb edən sənədlər aşkar olunaraq götürülmüşdür. Fərəməz Cavadova Cinayət Məcəlləsinin 192.2.2-ci maddəsi ilə ittiham elan edilmiş və Xətai Rayon Məhkəməsi tərəfindən barəsində həbs qətimkan tədbiri seçilmişdir.