Sahil Babayev: Azərbaycan pensiyaçılarının pensiyada olma müddəti 14,8 ildir
Bakı, 27 noyabr, AZƏRTAC
Pensiya sistemi sığorta sistemidir və bu sığorta sistemi 12 illik dövr üzərindən hesablanmış bir mexanizmdir. Bu gün Azərbaycan pensiyaçılarının pensiyada olma müddəti 14,8 ildir. Yəni, normativdən təqribən üç il artıqdır.
AZƏRTAC xəbər verir ki, bu sözləri əmək və əhalinin sosial müdafiəsi naziri Sahil Babayev parlamentin noyabrın 27-də keçirilən iclasında çıxışı zamanı deyib.
“Bu, göstərir ki, bizim pensiya sistemimiz əhatəlidir, sosialyönümlüdür. Bu gün yaşa görə pensiya alanların 57 faizi 12 ildən artıq təqaüd alır. Bunun özü də sosialyönümlü pensiya sisteminin göstəricisidir”, - deyə nazir əlavə edib.
Bölmənin digər xəbərləri
