ŞAHMAT ÜZRƏ RESPUBLİKA ÇEMPİONATININ QALİBLƏRİ MÜƏYYƏN OLMUŞDUR
Bakı, 23 yanvar (AZƏRTAC). Şahmat Federasiyasında kişi və qadın şahmatçılar arasında keçirilən respublika çempionatı başa çatmışdır.
Bu münasibətlə keçirilən mərasimdə bildirilmişdir ki, kişilərin turnirində Rəşad Babayev, qadınların mübarizəsində isə Gülnar Məmmədova respublika çempionu adına layiq görülmüşlər.
Tədbirdə çıxış edən Şahmat Federasiyasının vitse-prezidenti Mahir Məmmədov qalibləri təbrik etmiş, Avropa çempionatına vəsiqə qazanmış idmançılara uğurlar diləmişdir. Federasiya rəhbərliyinin bundan sonra da şahmatçılara lazımi şərait yaradacağını vurğulayan M.Məmmədov, növbəti illərdə keçiriləcək yarışların daha yüksək səviyyədə təşkil olunacağını bildirmişdir.
Sonra çempionatda yüksək yerlər tutmuş şahmatçılara medal, diplom və pul mükafatları təqdim olunmuşdur.
Bölmənin digər xəbərləri
