AZƏRTAC İTAR-TASS Agentliyinə istinadla xəbər verir ki, Salvadorda ciddi avtomobil qəzası nəticəsində azı 34 nəfər, o cümlədən 7 uşaq həlak olmuş, 25 nəfər müxtəlif dərəcəli bədən xəsarəti almışdır.

Faciə şənbə günü şərqi San-Migel departamentinin Karolina qəsəbəsi yaxınlığında baş vermişdir. Çətin keçilən dağ avtomobil yolunda sərnişinləri yerli kilsələrdən birinin möminlərindən ibarət ekskursiya avtobusu yoldan çıxıb, uçuruma yuvarlanmışdır.

Xilasetmə xidmətlərinin dəstələri və polis dəstələri yaralıları və həlak olanların cəsədlərini ucurumdan çıxarmaq işləri ilə məşğul olmuşlar. Zərərçəkənlərin hamısı yaxınlıqdakı yaşayış məntəqəsinin hospitalına aparılmışdır. Yol polisi hadisənin səbəblərini aydınlaşdırır.