SAMBO ÜZRƏ ÖLKƏ ÇEMPİONATI KEÇİRİLİR
Bakı, 26 yanvar (AZƏRTAC). Maştağa Olimpiya Kompleksində start götürmüş sambo üzrə Azərbaycan çempionatında yeniyetmələrin yarışı başa çatmışdır.
Respublika dərəcəli hakim, əməkdar məşqçi Ramil Mahmudovun rəhbərliyi ilə keçirilən turnirdə 50 komandadan 328-ə yaxın yeniyetmə idmançı iştirak etmişdir. Samboçulardan Elmar Fərzəliyev (48 kq), Heydər Həşimov (52 kq), Fərid Mikayılov (56 kq), Aslan Rəşidi (60 kq), Səfər Aşumov (65 kq), Zülfi Quliyev (70 kq), Orxan Məmmədli (75 kq), Azər Ağayev (81 kq), Kənan Nağıyev (87 kq) və Elvin Ramazanov (87 kq-dan yuxarı) qızıl medallara sahib olmuşlar.
Gənclərin yarışı isə davam edir.
Bölmənin digər xəbərləri
