“Samsung” dünya smartfon bazarında liderliyə yüksəlib
Bakı, 15 aprel, AZƏRTAC
Bazar tədqiqatçılarının hesablamalarına görə, “Samsung” dünya smartfon bazarında “Apple” şirkətini qabaqlayaraq liderliyə yüksəlib.
AZƏRTAC “The Eonomic” saytına istinadla xəbər verir ki, dünyada satılan cihazların təqribən 21 faizi Cənubi Koreya şirkətinin payına düşüb. “Apple”-in “iPhone” platforması isə 17,3 faiz bazar payına sahibdir. Ən böyük artım tempi Afrikada fəaliyyət göstərən “Transsion” Çin provayderi tərəfindən qeydə alınıb. O, satışları 85 faizədək artıraraq dördüncü yerə yüksəlib.
Üçüncü yerdə 14 faiz artımla “Xiaomi” qərarlaşıb. Beşinci yeri 8,5 faizlə digər Çin brendi “Oppo” tutub. Beləliklə, qlobal smartfon bazarındakı ilk beşliyə Çinin üç şirkəti daxil olub.
Ümumilikdə, uzun müddət zəifləmədən sonra smartfon bazarı yenidən 7,8 faiz artaraq 289,4 milyon cihaza çatıb.
Bölmənin digər xəbərləri
