Samuxlular Azərbaycanlıların Soyqırımı Gününü tariximizin qanlı səhifəsi adlandırmışlar
Samux, 31 mart (AZƏRTAC). Mart soyqırımının 95-ci ildönümü ilə bağlı Samuxda da bir sıra tədbirlər keçirilmişdir.
AZƏRTAC xəbər verir ki, anma mərasimi ermənilərin azərbaycanlılara qarşı apardıqları etnik təmizləmə siyasətinə həsr edilmiş videoçarxın nümayişi ilə başlamışdır.
Soyqırımı qurbanlarının xatirəsi bir dəqiqəlik sükutla yad olunduqdan sonra çıxış edənlər ermənilərin Azərbaycan xalqına qarşı düşünülmüş şəkildə həyata keçirdikləri qanlı aksiyalardan danışmış, XX əsrin əvvəllərindən başlanan soyqırımının sonralar daha geniş miqyas aldığını diqqətə çatdırmışlar. Bildirilmişdir ki, 1905-1907-ci illərdə ermənilər Azərbaycanın bütün bölgələrində qanlı aksiyalar həyata keçirmiş, 1918-ci ilin mart-aprel aylarında Bakıda, Şamaxıda, Qubada, habelə Muğanda və Qarabağda minlərlə azərbaycanlını xüsusi amansızlıqla qətlə yetirmişlər.
Vurğulanmışdır ki, Prezident İlham Əliyevin yürütdüyü uğurlu xarici siyasət nəticəsində artıq dünya ictimaiyyəti ermənilərin əsl simasını tanımağa başlamışdır. Şübhəsiz ki, bu uğur işğal altındakı torpaqlarımızın tezliklə azad olunmasında da özünü göstərəcəkdir.
Bölmənin digər xəbərləri
