“Saudi Aramco” neft şirkətinin gəlirləri cari ilin II rübündə 3,4 faiz azalıb
Bakı, 6 avqust, AZƏRTAC
Çərşənbə axşamı, avqustun 6-da Səudiyyə Ərəbistanının neft nəhəngi “Saudi Aramco” aşağı xam neft həcmləri və daha yumşaq emal marjaları səbəbindən cari ilin ikinci rübündə mənfəətinin 3,4 faiz azaldığını bildirib.
AZƏRTAC “Əl Ərəbiyə” telekanalına istinadla xəbər verir ki, “Saudi Aramco” ikinci rübdə 109,01 milyard riyal (29,03 milyard dollar) xalis gəlir əldə edərək, iyunun 30-dək son 3 ay ərzində 15 analitikin 27,7 milyard dollarlıq orta proqnozlarını üstələyib.
Şirkətin ikinci rüb üçün 31,1 milyard ABŞ dolları məbləğində dividendləri, o cümlədən 10,8 milyard dollarlıq fəaliyyətlə bağlı ödənişləri elan edilib. “Aramco” keçən il nəticələrindən asılı olmayaraq, ödənilən əsas dividendlərə əlavə vəsait qismində siyahıya alınmış şirkətlər arasında qeyri-adi bir təcrübə sayılan nəticələrlə əlaqəli dividendləri təqdim edib. Şirkətin nümayəndəsi bildirib ki, 2024-cü ildə ümumi dividendlərin 124,2 milyard dollar olacağını gözləyir ki, bu da əvvəlki 124,3 milyard dollarlıq öhdəliyə uyğundur.
Səudiyyə Ərəbistanı hökuməti “Saudi Aramco”nun səhmlərinin təqribən 81,5 faizinə sahibdir və böyük dərəcədə şirkətin qonorar və vergilər daxil olmaqla, dövlətə köçürdüyü ödənişlərə güvənir.
Krallığın suveren sərvət fondu olan PIF bu şirkətin daha 16 faizinə sahibdir və o da dividendlərdən faydalanır.
Bölmənin digər xəbərləri
