Şavkat Mirziyoyev: Ermənistanla sülh Bəyannaməsi türk dövlətlərinin ümumi qələbəsidir
Astana, 7 oktyabr, AZƏRTAC
Son illərdə Azərbaycan Prezidenti İlham Əliyevin birbaşa təşəbbüsü ilə müasir Azərbaycanın bir çox bölgələrində olduq.
AZƏRTAC Özbəkistan Prezidentinin rəsmi saytına istinadla xəbər verir ki, bunu Prezident Şavkat Mirziyoyev Qəbələdə keçirilən Türk Dövlətləri Təşkilatının (TDT) Dövlət Başçıları Şurasının 12-ci Zirvə Görüşündə çıxışında söyləyib.
“Gözəl Qarabağın gündən-günə necə abadlaşdığının, Şuşa, Xankəndi və Ağdam kimi şəhərlərdə genişmiqyaslı quruculuq işlərinin aparıldığının şahidi olduq. Sizin yaxın dostlarınız kimi bu müsbət proseslər bizi son dərəcə sevindirir.
Mübaliğəsiz demək olar ki, Sizin qəti siyasi iradəniz sayəsində imzalanmış Ermənistanla sülh Bəyannaməsi türk dövlətlərinin ümumi qələbəsidir. Bu tarixi sənəd ölkələrimiz üçün ticarət, iqtisadiyyat, nəqliyyat və humanitar sahələrdə əməkdaşlıq baxımından geniş imkanlar açır”, – deyə Şavkat Mirziyoyev vurğulayıb.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
