Səddam Hüseynin asılaraq edam edilməsinə qərar verən hakim ölüb
Tehran, 3 aprel, AZƏRTAC
İraqın keçmiş lideri Səddam Hüseyni ölüm hökmünə məhkum edən 52 yaşlı hakim Muhəmməd Əl-Ureybi koronavirusa yoluxaraq həyatını itirib.
AZƏRTAC İraq mətbuatına istinadla xəbər verir ki, Muhəmməd Əl-Ureybidən əvvəl S.Hüseynin işinə hakim Abdullah Əl-Əmiri baxırdı. Lakin həmin dövrdə İraqın Yüksək Məhkəmə Şurası A.Əl-Əmirini S.Hüseynə qarşı olduqca yumşaq davranmaqda ittiham edərək onu işdən kənarlaşdırdı. Onun yerinə təyin olunan gənc M. Əl-Ureybi qəddarlığı ilə fərqləndi. Onun göstərişi ilə əvvəlcə S.Hüseyn məhkəmə salonuna əlləri bağlı gətirildi. Sonra İraqın keçmiş lideri hakimin sözünü kəsdiyinə görə cəzalandırılaraq yatağı olmayan kameraya salınmış və onun gəzintiyə çıxması qadağan edilmişdi.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
