SƏDDAM HÜSEYNİN CİNAYƏTLƏRİNİ MÜLKİ MƏHKƏMƏ ARAŞDIRACAQ
AZƏRTAC-ın xarici informasiya agentliklərindən aldığı xəbərdə deyilir ki, Səddam Hüseynin və yaxın ətrafının törətdikləri cinayətləri təhqiq etmək üçün İraqda xüsusi mülki məhkəmə yaradılacaqdır. Bunu İraq Müvəqqəti İdarəetmə Şurasının (MİŞ) sədri Adnan Paçaçi Bağdadda keçirilən mətbuat konfransında açıqlamışdır.
Onun sözlərinə görə, məhkəmə ABŞ tərəfi sabiq İraq liderinin işi üzrə istintaqı sona çatdırandan sonra işə başlayacaqdır.
Paçaçi demişdir: “Biz bütün dünyaya bildiririk ki, İraqda Səddam Hüseynin məhkəməsi vicdanlı və açıq olacaq, beynəlxalq hüquq normalarına tam müvafiq surətdə keçəcəkdir”.
Bölmənin digər xəbərləri
