SƏDƏRƏK RAYONUNUN YARIMİLLİK GÖSTƏRİCİLƏRİ ÜRƏKAÇANDIR
Tədbirdə Naxçıvan Muxtar Respublikası dövlət statistika komitəsinin sədri Bəxtiyar İsmayılovun, iqtisadi inkişaf naziri Famil Seyidovun, əmək və əhalinin sosial müdafiəsi naziri Azər Ələkbərovun məruzələri dinlənilmişdir. Çıxışlarda Sədərək rayonunun yarımillik sosial-iqtisadi inkişafına dair rəqəmlər səsləndirilmişdir. Bildirilmişdir ki, yarım ildə istehlakçılara 190,8 min manatlıq sənaye məhsulu göndərilmişdir. İqtisadiyyatın və sosial sahələrin inkişafı üçün bütün maliyyə mənbələrindən əsas kapitala 2382,2 min manat investisiya yönəldilmişdir. Bu, 2005-ci ilin eyni dövrü ilə müqayisədə 6,3 faiz çoxdur. Pul gəlirlərinin artmasının nəticəsidir ki, cari ilin birinci yarısında rayonda əhalinin şəxsi vəsaiti hesabına 129 min 800 manat dəyərində, ümumi sahəsi 532 kvadratmetr olan fərdi evlər tikilmişdir.
Göstərilən müddətdə rayonda kənd təsərrüfatı, tikinti, abadlıq və yenidənqurma sahəsində də böyük uğurlar qazanılmışdır.
Bölmənin digər xəbərləri
