ŞƏHİD AİLƏLƏRİ VƏ MÜHARİBƏ ƏLİLLƏRİ ÜÇÜN 48 MƏNZİLLİ YAŞAYIŞ BİNASI TİKİLİR

18.09.2006 [12:19]
Çap et
A⁺ A^-

Neftçalada şəhid ailələrinin, Qarabağ müharibəsi, Əfqanıstan və Çernobıl əlillərinin sosial problemlərinin həllinə xüsusi fikir verilir. Bu kateqoriyadan olan əhali qrupu üçün rayonda 48 mənzilli ev tikilir.

Rayon icra hakimiyyətindən AZƏRTAC-ın müxbirinə bildirmişlər ki, ümumi sahəsi 3.160 kvadratmetr olacaq bu obyektin smeta dəyəri 1296170 manatdır. İnşaat işlərinə 2005-ci ilin mayında başlanılmışdır. 2006-cı ilin noyabrınadək binanın 890 kvadratmetrlik 24 mənzilli hissəsinin sahiblərinə təhvil verilməsi nəzərdə tutulmuşdur. Podratçı “Neftçala-Kəndtikinti” Açıq Səhmdar Cəmiyyəti indiyədək 506739 manatlıq tikinti-quraşdırma işləri görmüş, 40 nəfərdən çox adamı işlə təmin etmişdir.

Mənzillərdə hər cür kommunal şəraiti yaradılacaq. Qalan inşaat işləri gələn ilin axırınadək yekunlaşdırılacaq.