ŞƏKİ-ZAQATALA İQTİSADİ RAYONUNDA AÇILAN YENİ İŞ YERLƏRİNİN SAYI ARTMIŞDIR

26.07.2006 [10:54]
Çap et
A⁺ A^-

İqtisadi İnkişaf Nazirliyinin Şəki-Zaqatala Regional İnkişaf Şöbəsindən AZƏRTAC-ın müxbirinə bildirmişlər ki, regionların sosial-iqtisadi inkişafı Dövlət Proqramından irəli gələn vəzifələrin uğurla yerinə yetirilməsi nəticəsində cari ilin ilk 6 ayında iqtisadi rayon üzrə 10 mindən çox yeni iş yeri açılmışdır.

Hesabat dövründə Balakən, Zaqatala, Qax, Şəki, Oğuz və Qəbələ rayonlarında yeni yaradılan müəssisələrdə 1899 nəfər, fəaliyyəti bərpa edilən müəssisələrdə isə 300 nəfər daimi işlə təmin olunmuş, 3600 nəfər müvəqqəti, 4235 nəfər isə mövsümi işlərə cəlb edilmişdir.

Bundan əlavə, həmin dövrdə bölgə üzrə 900 nəfərə yaxın vətəndaş fiziki şəxs qismində fəaliyyətə başlamışdır.