Şəkidə bazarın ət satışı sahəsində nöqsanlar aşkarlanıb
Bakı, 27 aprel, AZƏRTAC
Qida Təhlükəsizliyi Agentliyi ölkə ərazisində qanunvericiliyin tələbləri çərçivəsində qida təhlükəsizliyinin təmin edilməsi və istehlakçı hüquqlarının müdafiəsi sahəsində tədbirləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Şəki şəhərinin Sabit Rəhman küçəsində yerləşən, “Şəki Bazar” ASC-yə məxsus bazarın ət satışı sahəsində yoxlama aparılıb.
Yoxlama zamanı iribuynuzlu və xırdabuynuzlu heyvan ətlərinin baytarlıq ekspertizasından keçirilmədən və möhürsüz şəkildə satışı həyata keçirildiyi aşkar edilib. Aşkar edilmiş nöqsanlarla əlaqədar qanunvericiliyə uyğun müvafiq tədbirlər görülüb.
Bölmənin digər xəbərləri
