Şəkili müəllim direktorların işə qəbulu müsabiqəsində ölkə üzrə maksimum nəticə əldə edib
Şəki, 24 mart, Mustafa Dadaşov, AZƏRTAC
Şəki rayonunun Köndələn kənd tam orta məktəbinin Azərbaycan dili və ədəbiyyat müəllimi Aytən Yusifova direktorların işə qəbulu müsabiqəsində ölkə üzrə maksimum nəticə əldə edərək, 55 bal toplayıb.
Bu barədə AZƏRTAC-ın bölgə müxbirinə Şəki Şəhər Təhsil Şöbəsindən məlumat verilib.
Bildirilib ki, Aytən Yusifova 1988-ci ildə Şəki rayonunun Aşağı Göynük kəndində anadan olub. O, orta təhsilini həmin kənddə yerləşən məktəbdə başa vurub. 2006-2010-cu illərdə Azərbaycan Müəllimlər İnstitutunun Zaqatala filialında Azərbaycan dili və ədəbiyyat müəllimliyi ixtisası üzrə ali təhsil alıb. 2010-2013-cü illərdə Azərbaycan Dövlət Pedaqoji Universitetində magistr təhsili alıb. Aytən Yusifova 2010-cu ildən Şəki rayonunun Köndələn kənd tam orta məktəbində müəllim kimi çalışır.
Bölmənin digər xəbərləri
