SƏMƏD VURĞUN POEZİYA EVİ İLƏ TANIŞLIQ

17.06.2004 [21:57]
Çap et
A⁺ A^-

Prezident İlham Əliyev Qazax rayonunun Yuxarı Salahlı kəndində unudulmaz xalq şairi Səməd Vurğun Poeziya evini ziyarət etdi. Dövlətimizin başçısına bildirildi ki, Səməd Vurğunun Bakıdakı ev-muzeyinin filialı olan Poeziya evi 1976-cı ildən fəaliyyət göstərir. Ümummilli liderimiz Heydər Əliyev 1979-cu ildə Poeziya evində olmuş, buranın zənginləşdirilməsi üçün konkret tapşırıqlar vermişdi. İndi burada Heydər Əliyev guşəsi də var.

Prezident İlham Əliyev ekspozisiyaya tamaşa etdi, tövsiyələrini söylədi, Azərbaycan poeziyası klassikinin özünün oxuduğu şerlərin maqnitofon yazısına qulaq asdı. Azərbaycan Prezidenti fəxri qonaqlar kitabına ürək sözlərini yazdı:

“Dahi Azərbaycan şairi Səməd Vurğunun yaradıcılığı Poeziya evinin ekspozisiyasında öz əksini tapır.

Ekspozisiya ilə böyük maraqla tanış oldum. Səməd Vurğunun əsərləri öz aktuallığını itirmir.

Azərbaycan xalqının ümummilli lideri Heydər Əliyevin təşəbbüsü ilə tikilmiş Səməd Vurğun Poeziya evinin əməkdaşlarına uğurlar arzulayıram.

Azərbaycan Respublikasının

Prezidenti İlham Əliyev

15.06.2004-cü il.”