ŞƏMKİR RAYONUNDA 1984 NƏFƏR ÜNVANLI SOSİAL YARDIM ALIR
Şəmkir Rayon Əhalinin Sosial Müdafiə Mərkəzinin direktoru Qafqaz Süleymanov AZƏRTAC-ın müxbirinə demişdir ki, ünvanlı sosial yardımın verilməsi istiqamətində başlanan iş uğurla davam etdirilir. Yardım almaq məqsədi ilə əhalinin sosial müdafiəsi mərkəzinə müraciət etmiş 607 ailənin ərizəsinə baxılmışdır. Müvafiq komissiyanın rəyinə əsasən, 451 ailənin 1984 nəfər üzvünün hər birinə ayda 12 manat 45 qəpik yardım verilməsi barədə qərar qəbul olunmuşdur. Avqust ayında ünvanlı sosial yardımın bir hissəsi paylanmışdır.
Hazırda komissiya üzvləri digər ərizələri araşdırır.
Bölmənin digər xəbərləri
