Bakı, 3 oktyabr, AZƏRTAC

Hökumətlərin və sənayenin inkişafı üçün kosmosun kəşfi vacibdir.

AZƏRTAC xəbər verir ki, bunu “Space Tango” şirkətinin CEO-su Sita Sonty Bakıda keçirilən 74-cü Beynəlxalq Astronavtika Konqresinin “Çətinliklər: zamanlar arasında naviqasiya” panelində deyib. O qeyd edib ki, kosmosun tədqiqinin faydasını nəzərdən keçirərkən bizə ən maraqlı məqam insan beynindəki yaddaş həcminin tutumudur. Xalqlar və bütün cəmiyyət öz ölkəsini bütün sahələrdə inkişaf etdirmək istəyirsə, kosmosu tədqiq etməyə başlamalıdır. Biz bu müddət ərzində texnologiya transferi və kosmosun xarici siyasət aləti olduğunu öyrənmişik. Bu siyasi alətdən istifadə etməyi bacaran hər bir ölkə bütün arenalarda qazanacaq.