SƏRBƏST GÜLƏŞ VƏ YUNAN-ROMA GÜLƏŞİ ÜZRƏ ÖLKƏ ÇEMPİONLARI MƏLUMDUR
Dekabrın 26-da Bakı İdman Sarayında sərbəst güləş və yunan-Roma güləşi üzrə Azərbaycan çempionatı başa çatmışdır. Çempionatda təxminən 200 idmançı iştirak etmişdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, yunan-Roma güləşi üzrə Güloğlan Şirinov (55 kq), Vitali Rəhimov (60 kq), Nizaməddin Rəcəbov (66 kq) , İlqar Abdulov (74 kq) , Xviçiya Biçinaşvili (84 kq), Əliəkbər Qəhrəmanov (96 kq), Azər Əliyev (120 kq) Azərbaycan çempionları olmuşlar.
Sərbət güləşçilər arasında Namiq Sevdimov (55 kq), Anar İsmayılov (60 kq) , Elman Əsgərov (66 kq) , Nəsimi İmanquliyev (74 kq), Orxan Məmmədov (84 kq), Müslüm Müslümov (96 kq), Firdovsi Ümüdov (120 kq) fəxri kürsünün ən yüksək pilləsinə qalxmışlar.
Bölmənin digər xəbərləri
