Serbiya Rusiyaya sanksiyalar tətbiq etməyəcəyini bir daha bəyan edib
Bakı, 6 iyul, AZƏRTAC
Serbiya Rusiyaya qarşı heç vaxt sanksiyalar tətbiq etməyəcək.
AZƏRTAC xəbər verir ki, bu barədə Serbiya hökumətinin naziri Nenad Popoviç 16-cı Beynəlxalq Sənaye Sərgisi “İnnoprom”da çıxışı zamanı bildirib. Nenad Popoviç Serbiyanın böyük təzyiqlərə baxmayaraq, Rusiyaya sanksiyalar tətbiq etmədiyini və gələcəkdə də belə bir addım atmayacağını vurğulayıb.
“Biz Rusiyaya qarşı sanksiyalar tətbiq etməmişik və heç vaxt da etməyəcəyik. Biz böyük təzyiqlərə, hətta real və siyasi təhdidlərə tab gətiririk”, – deyə nazir bildirib.
Onun sözlərinə görə, Serbiya dostlarını tanıyır və bu mövqeyini qoruyub saxlayacaq.
Bölmənin digər xəbərləri
