Səudiyyə Ərəbistanı bütün beynəlxalq uçuşları dayandırır
Qahirə, 14 mart, AZƏRTAC
Səudiyyə Ərəbistanı koronavirus pandemiyası ilə əlaqədar martın 15-dən bütün beynəlxalq uçuşların dayandırılacağını elan edib.
AZƏRTAC xəbər verir ki, bu barədə ölkənin Daxili İşlər Nazirliyi məlumat yayıb.
Cümə günü Səudiyyə Ərəbistanında koronavirusa daha 24 yoluxma faktı qeydə alınıb. Bununla da Krallıqda COVID-19 virusu daşıyıcılarının sayı 89 nəfərə çatıb.
Martın 13-nə olan məlumata görə, Səudiyyə Ərəbistanı da daxil olmaqla Körfəz Əməkdaşlıq Şurasının altı ölkəsində (Birləşmiş Ərəb Əmirlikləri, Küveyt, Oman, Qətər, Bəhreyn) ümumilikdə 700 nəfər koronavirusa yoluxub.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
