SƏUDİYYƏ ƏRƏBİSTANI NEFTİN QİYMƏTİNİ AŞAĞI SALMAQ NİYYƏTİNDƏDİR
O demişdir: “Biz dünya iqtisadiyyatına ziyan vurmağı əsla istəmirik. Lakin hesab edirik ki, neftin qiyməti bir barrel üçün 25-30 dollar arasında olmalıdır”. Abdullahın sözlərinə görə, hazırda neftin çox bahalaşmasında onun ölkəsinin heç bir təqsiri yoxdur. Bunda neftçıxaran şirkətlər təqsirkardır.
Bu, Səudiyyə rəhbərliyinin bir barrel neftin qiymətinin 45 dolları keçdiyi dünya bazarlarında gərginliyi zəiflətmək niyyətində olduğu barədə son yeddi gündə artıq ikinci bəyanatıdır. Avqustun 11-də ölkənin neft və mineral ehtiyatlar naziri Əli ən-Nueymi bildirmişdi ki, Səudiyyə dünya tələbatını ödəmək və qiymətlərin qalxmasının qarşısını almaq üçün neft hasilatını gündə 1,3 milyon barrel artırmaq niyyətindədir.
Bölmənin digər xəbərləri
