SİFE beynəlxalq proqram üzrə Respublika çempionatı keçiriləcəkdir
Nazirliyinin mətbuat xidmətindən AZƏRTAC-a bildirmişlər ki, SİFE beynəlxalq proqramının əsası 1975-ci ildə ABŞ universitetləri tərəfindən qoyulmuşdur. Hazırda 40 ölkəni təmsil edən tələbə komandaları hər il keçirilən dünya kuboku yarışlarında öz ölkələri və universitetlərini təmsil edirlər. 2006-cı ildən Azərbaycan komandaları da dünya kuboku yarışlarında iştirak etmək hüququ qazanmışlar.
SİFE proqramı üzrə çempionatın keçirilməsinin məqsədi Azərbaycanın iqtisadi potensialının gücləndirilməsində gənclərin rolunu artırmaq, onların sahibkarlıq fəaliyyətini stimullaşdırmaq, azad sahibkarlıq ideyasını tələbələr arasında təbliğ etmək və tələbələrin təşkilatçılıq qabiliyyətlərini inkişaf etdirməkdir.
Builki çempionatda 15 komanda iştirak edir. Onlar biznes, təhsil, ekologiya və sosial sahələrə dair 50-dən artıq layihə icra edəcəklər.
Qalib komanda cari ilin oktyabrında Malayziyada keçiriləcək dünya kuboku yarışına vəsiqə qazanacaqdır.
Bölmənin digər xəbərləri
