Sınaq imtahanlarının ikinci sessiyasına qeydiyyat başlanır
Bakı, 7 iyun, AZƏRTAC
Müəllimlərin işə qəbulu müsabiqəsində və sertifikasiya imtahanında iştirak edəcək namizədlər üçün sınaq imtahanlarının ikinci sessiyasına qeydiyyat başlanır.
Təhsil İnstitutundan AZƏRTAC-a bildirilib ki, sınaq imtahanlarının birinci sessiyasında iştirak edən şəxslərə ikinci sessiyada ödənişsiz iştirak hüququ verilir.
Onlayn formatda təşkil olunacaq sınaq imtahanlarının 2-ci sessiyası ibtidai təhsil (21 iyun saat 16:00), riyaziyyat (22 iyun saat 16:00), Azərbaycan dili və ədəbiyyat (22 iyun saat 16:00), ingilis dili (23 iyun saat 16:00), tarix (23 iyun saat 16:00), fizika (24 iyun saat 16:00), biologiya (24 iyun saat 16:00), coğrafiya (25 iyun saat 16:00), informatika (25 iyun saat 16:00) və kimya (25 iyun saat 16:00) fənləri üzrə keçiriləcək.
Sınaq imtahanlarının 2-ci sessiyası üçün qeydiyyat iyunun 17-si saat 23:59-da bitəcək.
Bölmənin digər xəbərləri
