“Siqet” festivalı 2022-ci ildə yenidən səhnəyə qayıdacaq
Budapeşt, 6 iyul, AZƏRTAC
Avropada ən iri və populyar musiqi festivallarından biri olan “Siqet” festivalının Macarıstan paytaxtında 2022-ci ildə bərpa ediləcəyi gözlənilir.
AZƏRTAC xəbər verir ki, tədbirin təşkilatçıları bu barədə bu gün bildiriblər.
Koronavirus pandemiyası ilə əlaqədar festivalsız keçən iki il ərzində təşkilatçıların və Macarıstanda bu tədbirlə bağlı şirkətlərin işləri xeyli mürəkkəbləşib. Bu il “Siqet” festivalına gələn yay yeni nəfəs vermək barədə qərar qəbul edilib.
Təşkilatçılar təəssüflə bildiriblər ki, vaxt bitdiyindən bu il festivalı keçirmək artıq mümkün deyil.
Təşkilatın ictimaiyyətə ünvanlanmış müraciətində deyilir: “Etiraf etmək çox çətin də olsa, istər səyahət, yaşama, istərsə də qonaqpərvərlik baxımından çoxsaylı qeyri-müəyyənliklər fonunda öz vəzifələrimizi dəyərləndirərək bildiririk ki, bütün bunların əvəzində biz gələn il keçiriləcək “Siqet” festivalına hazırlaşmağı qərara aldıq. Buna görə də biz 2022-ci il mövsümünü səbirsizliklə gözləyirik. Üzücü, uzunmüddətli fasilədən sonra bizim “böyük qayıdışa” layiq olan tədbirlərlə bağlı planlarımız var”.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
