Şirvan şəhərində qəza törədən sürücünün kimliyi bəlli olub - YENİLƏNİB
Şirvan, 10 sentyabr, Aydın Yavərzadə, AZƏRTAC
Şirvan şəhərində piyadanın vurulması ilə nəticələnən yol qəzasını törədən şəxsin kimliyi bəlli olub.
Daxili İşlər Nazirliyinin mətbuat xidmətinin Şirvan regional qrupundan AZƏRTAC-ın bölgə müxbirinə bildirilib ki, Şirvan şəhər sakini Taleh Məmmədov idarə etdiyi “Nissan” markalı nəqliyyat vasitəsilə hərəkətdə olan zaman yolu keçmək istəyən 2013-cü il təvəllüdlü azyaşlını vurub.
Faktla bağlı araşdırma aparılır.
09:06
Şirvan şəhərində piyadanın vurulması ilə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə saat 9 radələrində Şirvan şəhəri Naxçıvani prospektində qeydə alınıb. Qəza zamanı xəsarət alan 11 yaşlı Əsgərov Savalan Ramal oğlu Şirvan Şəhər Mərkəzi Xəstəxanasına yerləşdirilib.
Faktla bağlı araşdırma aparılır.
Bölmənin digər xəbərləri
