SOCAR-ın Ekologiya idarəsində 20 Yanvar şəhidlərinin xatirəsi anılıb
Bakı, 19 yanvar, AZƏRTAC
Azərbaycan xalqının qəhrəmanlıq tarixinin unudulmaz səhifəsi olan 20 Yanvar faciəsinin 26-cı ildönümü ilə əlaqədar bütün ölkədə olduğu kimi Azərbaycan Respublikası Dövlət Neft Şirkətinin (SOCAR) idarə və müəssisələrində də silsilə tədbirlər keçirilir. 20 Yanvar şəhidlərinin xatirəsi SOCAR-ın Ekologiya idarəsində keçirilən tədbirdə də anılıb.
SOCAR-ın mətbuat xidmətindən AZƏRTAC-a bildirilib ki, şəhidlərin əziz xatirəsi bir dəqiqəlik sükutla yad edildikdən sonra idarənin baş mühəndisi Y.Ağasiyev Sovet rejiminin Azərbaycana qarşı yönəlmiş hərbi-siyasi irticası haqqında məlumat verib.
Ümummilli lider Heydər Əliyevin 20 Yanvar aksiyasını qətiyyətlə pislədiyi və 1993-cü ildə xalqın təkidli tələbi ilə hakimiyyətə qayıdışından sonra Qanlı Yanvar hadisələrinə dövlət səviyyəsində siyasi-hüquqi qiymət verildiyi diqqətə çatdırılıb.
Bölmənin digər xəbərləri
