Sorğu: ABŞ prezidentliyinə namizədlərin debatında Harris qalib gəlib
Bakı, 12 sentyabr, AZƏRTAC
Amerikada keçirilən bəzi ictimai rəy sorğularının ilkin nəticələrinə əsasən, ABŞ prezidentliyinə namizədlərin debatında demokrat Kamala Harris respublikaçı rəqibi Donald Trampa qalib gəlib.
AZƏRTAC xəbər verir ki, bu barədə ABC telekanalı məlumat yayıb. Telekanalın məlumatına görə, ictimai rəy sorğularının təhlili üzrə ixtisaslaşan FiveThirtyEight bildirib ki, debatı izləyənlərin 57 faizi Harrisin, 34 faizi isə Trampın çıxışını müsbət qiymətləndirib.
CNN/SSRS sorğusuna əsasən, respondentlərin 63 faizi Demokratlar Partiyasının namizədini, 37 faizi eks-prezidenti qalib hesab edib. YouGov kompaniyası Harrisə 54 faiz, Trampa isə 31 faiz dəstək olduğunu bildirib.
Beləliklə, ABC qeyd edir ki, orta hesablamalara görə, respondentlərin 54 faizinin fikrincə, debatın qalibi Harris olub, rəyi soruşulanların 34 faizi isə Trampı qalib hesab edib.
Bölmənin digər xəbərləri
