SSRİ xalq artisti Vladimir Etuş 97 yaşında vəfat edib
Bakı, 9 mart, AZƏRTAC
SSRİ xalq artisti Vladimir Etuş bu gün 97 yaşında vəfat edib.
AZƏRTAC TASS informasiya agentliyinə istinadla xəbər verir ki, bunu Vaxtanqov adına teatrın direktoru Kiril Krok bildirib. Onun sözlərinə görə, Xalq artisti dünən xəstəxanaya yerləşdirilmişdi.
Vladimir Etuş 1922-ci ildə Moskvada yəhudi ailəsində doğulub. Kinoda 1953-cü ildə debüt edən aktyor 150-dən çox filmdə çəkilib. Ona ən çox məşhurluğu Leonid Qaydayın “Qafqaz əsiri”, “12 stul”, “İvan Vasilyeviç peşəsini dəyişir” kinokomediyalarında yaratdığı obrazlar qazandırıb.
Bölmənin digər xəbərləri
