“Ştutqart” futbol üzrə Almaniya kubokunun qalibi olub
Berlin, 25 may, AZƏRTAC
“Ştutqart” komandası futbol üzrə Almaniya kubokunun qalibi olub.
AZƏRTAC xəbər verir ki, komanda turnirin finalında “Arminia Bilefeld” ilə qarşılaşıb. Berlindəki “Olimpiya” stadionunda keçirilən qarşılaşmada “Ştutqart” futbol üzrə Almaniyanın üçüncü liqasının qalibi olan “Arminia Bilefeld” üzərində 4:2 hesabı ilə qələbə qazanıb.
“Ştutqart” bu qələbə sayəsində 2007-ci ildəki çempionluqdan sonra ilk tituluna sahib olub. Bundesliqanın sonuncu mövsümünü 50 xalla 9-cu pillədə qərarlaşdıran komanda bununla da UEFA Avropa Liqasında mübarizə aparmaq hüququ əldə edib.
Komanda Almaniya superkuboku uğrunda qarşılaşmada Bundesliqanın builki mövsümünün qalibi “Bavariya” ilə qarşılaşacaq. Bu yarış əfsanəvi futbolçu, bu ilin yanvarında vəfat etmiş Frants Bekkenbauerin şərəfinə Bekkenbauer Superkuboku adlandırılıb. Avqustun 16-da baş tutacaq görüşün keçiriləcəyi stadion hələ müəyyənləşməyib.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
