DÜNYA
SUDAN PAYTAXTINDA TİMSAHLAR “MEYDAN SULAYIR”
İş o yerə çatıb ki, timsahlar sahilə çıxaraq, bütöv məhəllələrin sakinlərini vahimədə saxlayırlar. Adamlar nəinki evdən bayıra çıxmağa, hətta pəncərələrdən bayıra baxmağa belə qorxurlar. Odur ki, mülki müdafiə qüvvələri “çağırılmamış qonaqlar”la mübarizəyə səfərbər olunmuşdur.
Mütəxəssislər timsahların bu basqınını Nildə suyun səviyyəsinin görünməmiş dərəcədə qalxması ilə bağlayırlar. Kənd təsərrüfatı üçün əlverişli olan bu vəziyyət faciə ilə də nəticələnir: timsahlar mənsəbi qonşu Efiopiyada olan Mavi Nildən Sudana hücuma keçmişlər. Uqanda və Sudandan – Ağ Nil onların ərazisindən keçir - fərqli olaraq, Efiopiyada timsah ovu geniş yayılmamışdır.
Son illər Sudanda balıq ovu sürətlə inkişaf etdiyinə görə, ölkədə sürünən heyvanların sayı azalmışdır. Nəticədə yeməyə bir şey tapmayan timsahlar Sudandan “küsüb” getmişlər. Lakin indi yenidən bu yerlərə qayıtmışlar.
Bölmənin digər xəbərləri
