Sudanda yol-nəqliyyat qəzasında 43 nəfər ölüb
Qahirə, 22 may, AZƏRTAC
Sudanın Darfur bölgəsində avtobusla sərnişin daşıyan yük maşınının toqquşması nəticəsində azı 43 nəfərin öldüyü bildirilir. Polisin məlumatına görə, qəzada daha 32 nəfər yaralanıb. Yaralıların çoxunun vəziyyəti ağırdır.
AZƏRTAC xəbər verir ki, ağır yol-nəqliyyat qəzası ölkənin Darfur bölgəsinin şimalındakı Şanqil Tobayi yaşayış məntəqəsində baş verib. Ölənlərin sayının çox olması qəza zamanı avtobusun yanması olub. Nəqliyyat vasitəsinin Darfurdan paytaxt Xartuma sərnişin daşıdığı bildirilir.
Afrikanın yoxsul ölkələrindən biri olan Sudanda tez-tez ağır yol-nəqliyyat hadisələri baş verir. Bunun səbəbi kimi yolların bərbad və nəqliyyat vasitələrinin nasaz olması, habelə yol-hərəkət qaydalarına əməl edilməməsi göstərilir.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
